MAis il ne peut euiter les infortunes domestiques , qui troublerent grandement sa maison auec exemples Tragiques , vilenies & cruautez horribles , voire mesmes en toute region tant barbare qu'elle puisse estre .

Car ayant dés lors qu'il fut esleu Pape , deliberé de transporter toute la grandeur temporelle en la per sonne du duc de Candie son fils aisné , le Cardinal de Valence , qui d'un esprit to talement eslong né de la profession ecclesiastique , aspiroit au maniement des armes ne pouuant endurer que son frere occupast ce lieu sur luy , & d'abondant portant fort impatiemment qu'il eust meilleure part en la bonne grace de madame Lucrece leur seur commune , poussé de rage d'amour & d'ambition ( esguillons & ministres puissans sans à toute meschācete ) fit tuer par une nuict le Duc son frere , lors qu'il cheuauchoit seul par la ville de Romme , & puis ietter secretement dans la riuiere du Tybre . Il estoit encor bruit si telle enormité se peult croire ) qu'en l'amour demadame Lucrece , ily auoit concurrence , non seulement des deux freres , mais du pere mesme lequel ayant dés le commencement de son pontificat retirè sa fille d'auec son premier mary , qu'il estimoit estre deuenu trop petit compagnon pour son degré , & de puis l'ayant mariée a lean Sforze signeur de Pesaro , ne pouuant encor supporter d'auoir le mary pour compagnon , il rompit ce second mariage ia consommé , ayant à ceste fin fait prouuer par faux tesmoignage deuant les iuges que luymesme auoit deleguez , & puis confermer par sentence & iugement , que Iean estoit de nature froide , & du tout inhabile aux oeuures de mariage , &c.

NEC tamen potuit calamitates domesticas uitare , quae tragicis exemplis , libidineque , atque immanitate plus quàm barbara , eius domum conturbarunt . Nam cum ab usque sui pontificatus auspiciis omnem ciuilem potentiam in Candianum ducem suorum liberorum natu maxi mum vertere statuisset , & Valentinus cardinalis animo prorsus à sacris alieno ad rem militarem totus aspiraret , nec ferre ' posset hunc locum sibi à fratre praereptum iri : eundemque in communis sororis Lucretiae amore preferri , libidine atque ambitione , valentibus ad quoduis scelus stimulis , incitatus , fratrem noctu Romae inequitantem , necari fecit , & necatum in Tyberim clàm abiici .

Ad hoc fama fuit ( si tamen tantum nefas fidem meretur ) non modò fratres duos , verumetiam patrem ipsum in eiusdem Lucretiae amores conspirasse : qui simulac ad pontificatum assumptus est , eam à primo marito quasi tanta dignitate tunc inferiore , abreptam Ioanni Sfortiae Pisaurensium domino copulauit : sed ne hunc quidem riualem passus , matrimonium iam perfectum dissoluit : verum vt id aliquo fieret colore , cum coram iudicibus à se delectis , Ioannem natura frigidum , atque ad rem veneream prorsus ineptum , per falsos testes comprobasset , iudicum sententiis id confirmari voluit , &c.

MA non potette gia fuggire gl'infortunij domestici , e quali pertutbarano la casa sua con essempij tragici , & con libidine & crudeltà horribile etiamdio in ogni barbara regione : per che hauendo in fino daprincipio del suo ponteficato disegnato di volgere tutta la grandezza temporale al Du ca di Candia suo primo genito , il Cardinale di Valenza il quale di animo totalmente alieno dalla professione sacerdotale aspiraua all essercitio delle arme , non potendo tolerare che questo loco gli fosse cocupato dal fratello : impatiente oltre à questo , che egli hauesse piu par te di lui nell'amore di madonna Lucretia sorella commune , in citato dalia libidine , & dall ambitione , ministri potentî ad ogni gran sceleratezza , lo fece vna notte , che ei caualcaua solo per Roma , amazzare , & poi gittare nel fiume del Teuere segretamēte . Era medesima mente fama , se però è degna di credersi tanta enormità , che nell amore di madonna Lucretia concorressino non solamente i duo fratelli , ma etiamdio il padre medesimo : il quale hauen dola come fu fatto pontefice , leuata dal primo marito come diuentato inferiore al suo gra do , & maritatala a Giouanni Sforza signore di Pesaro , non cōpartando d'hauere anco il marito per riuale , dissoluè il matrimonio gia consumato , hauendo fatto innanzia giudici delegati da lui prouare con false testimonianze , & di poi confermare per sentenza che Giouanni era per natura frigido , & impotenteal coito . Afflisse sopra modo , &c.

POur la declaration de la quelle chose & de beaucoup d'autres depuis aduenues , la matiere requiert que ie die quel droict l'Eglise ha sur la terre de la Romagne & sur plusieurs autres lesquelles elle a possedées en diuers temps , ou possede encor à present : & par quels moyens , estant premierement institué & establi pour l'administration pure & simple des choses spirituelles , elle est paruenue aux estats & principautez mondaines .

Pareillement aussi , que comme chose connexe à ce propos , i'expose quels debats & contentions sont suruenues en diuers temps pour ceste occasion & autres , entre les papes & les empereurs .

Les euesques de Romme , desquels sainct Pierre fut le premier , ayans leur puissance & authorité fondée de Iesus Christés choses spirituelles , estans au reste grands de charité , humilité , patience d'esprit & de miracles , furent à leur commencement , non seulement du tont des●uez de puissance temporelle , mais encor persecutez d'icelle , & demeurerent par un lon temps peu ou quasi point cogneus , n'estant leur nom par autre chose plus manifeste que par supplices , lesquels ils euduroient egallement auec ceux qui les ensuiuoiènt .

Car combien que pour la multitude infinie de diuerses nations & professions qui estoientlors à Romme , on print peu garde quelques fois à leur progrez & aduancement , & qu'aucuns des emperenrs ne les persecutassent sinon entant que leurs actions publiques sembloient ne se pouuoir dissimuler ou passer sous silence : toutes fois aucuns autres on par cruanté , ou pour l'amour & zele qu'ils auoient à leurs dieux exercoient fort rigoureuse persecution à l'encontre d'eux , comme aucteurs de nouelles superstitions & destructeurs de lavraye religion .

En cest estat ils continuerent estants copendant grandement renommez pour leur pauureté uoluntaire , saincteté de uie & martires , iusqu'au temps du pa pe Syluestre : sous lequel estant l'Empereur Constantin conuerti à la foy Chrestienne , meu par la bonne uie et par les miracles qui se uoioient continuellement en eux qui faisoient profession du nom de Iesus Christ , les Euesques demeuroient paisibles & asseurez des grands perils esquels ils s'estoient veus par l'espace d'enuiron trois cents ans , auec libertè de faire exercice publique de leur religion & ceremonies .

Dont pour la reuerence de leurs coustumes , pour les saincts commandemens que contient en soy nostre religion , & pour la promptitude qui est és hommes à suiure , ou par ambition le plus souuent , ou par crainte , quelq fois a l'exemple de leur prince , la Chreslienté commenca à s'espandre & amplifier par tout merueilleusement , & par mesme moyen comm enca aussi à diminuer l'ancienne pauureté des ecclesiastiques , d'autant que Constantin ayant edifié à Romme les eglises de sainct Iean de Latran , sainct Pierre du Vatican , de S. Paul , & plusieurs autres en diuers lieux , il les doua non seulemeur de riches uaisseaux & ornamenns , mais encor , à sin qu à l'aduenir elles cussent de quoy estre conseruées , entretenues & renouuelées , aussi pour l'entretenement de ceux qui faisoyent le seruice diuin , les enrichit de plusieurs possessions & reuenus .

Depuis ce temps , plusieurs se persuadans qu'auec aumosnes & legs il leur seroit aifé d'ac querir le royaume des cieux , edifierent & douerent quelques autres eglises , ou à celles qui estoyent ia edifiées donnerent partie de leurs richesses : voyre mesmes , ou par certaine loy ou par coustume inueterée , ensuyuant l'exemple du vieil Testament , chascnn d'eux payoit à l'eglise la disme du fruict & reuenu de ses propres biens .

A quoy faire ils estoyent excitez d'autant plus grand ardeur & courage , quils uoioient au commencement que les gens d'eglise , hors mis ce qu'ils se reseruoyent pour uiure assez frugalement & moderement , employans le surplus de ces biens partie en la fabrique & paremenr des eglises , partie en oeuures pitoyables & charitables , n'estant encor entré en leurs coeurs l'orguoeil & l'ambition .

L'euesque de Romme lors estoit recongneu par tous les Chrestiens pour superieur de toutes les eglises & de toute l'aministration spiritnelle , comme scu cesseur de l'apostre S. Pierre : ioint que ceste cité pour son ancienne dignite & grandeur , retenoit , comme de touts les autres , le nom & la maiesté de l'empire , & que d'icelle la foy Chrestienne auoit esté espan due en la plus grande partie de l'Europe .

Aussi que l'empereur Constantin aiant esté baptizé par Syluestre , auoit uolontiers recongneu , & comme approuué telle authorité , & preeminence en luy & ses successeurs .

On dit dauantage , que Constantin constraint pour les affaires des prouinces d'Occident de transporter le siege de l'Empire en la citó de Byzantium appelléc depuis de son nom Constantinople , donna au pape la seigneurie de Romme et de plusieurs autres uilles & regions d'Italie : lequel bruit , bien qu il aye esté entretenu diligemment par les papes qui succederent , & par leur authorité creude plusieurs , toutefois est reprouué par les autheurs plus dignes de foy , & encor plus par l'estat des choses mesmes : d'au tant qu'il est trescertain & manifeste que lors & long temps depuis la uille de Romme , ensemble toute l'Italie , fut gouuernée comme subiete à l'empire , uoire par officiers & magistrats deputez par les empereurs .

Encore y en a'il ( tant est profonde souuentefois l'oscuritees choses si anciennes ) qui reprenent & refutent hardiment tout ce qu'il se dit de Constantin & de Syluestre , affermans qu'ilsont uescu en diuers temps

Mais tous font d'accord que le transport du siege de l'Empire en la uille de Constantinoble , fut la source & origine de la puissance des papes : par ce qu'affoiblissans auec le temps l'authorité des Empereurs en Italie , pour leur continuelle absence & pour les grands affaires qu'ils auoyent en l'Orient , le peuple Romain fe retirant de l'obeissance des empereurs & d'autant plus deferant auz papes , commenca à leur prester , non pas uraye subiection , mais vnecertaine obeissance volontaire .

Il est uray que ces choses ne se manifesterent sinon lentement & peu a peu , pour les inuasions des Gothz , Vandales & autres nations barbares qui sur uindrent en Italie : par lesquels estant la uille de Romme plusieurs fois prinse & saccagée , le nom du pape demeura pour quelque temps fort obscur & abiect , & l'authorité des empereurs fort petite en Italie , d'autant qu'auec telle ignominie ils la laissoyent en proye aux nations barbares .

Entre lesquelles ayant esté l'enuahissement de toutes les autres comme un torrent , la puissance des Gothz , qui estoyent une gent de nom & de profession Chrestienne sortie de sa premiere origine des parties de Dace & de Tartarie , se continua par l'espace de soixante & dix ans :

Laquelle en fin estant dechassée par les armes des empereurs , l'Italie commenca de nouueau à se gouuerner par magistrats Grecs : entre lesquels celuy qui estoit plus grand & superieur à tous les autres , appellé d'ū nom Grec Exarcha , faisoit sa residence à Rauenne , ville tresancienne & lors moult riche & moult peuplée , pour la fertilité du pays , pource aussi que depuis le grand accroissement qu'elle receut par la puissance armée de mer qu'Auguste Cesar & les autres Empereurs entretenoient continuellement au port qui estoit assez proche de la uille , ( duquel toutefois il ne reste auiourd'huy apparence aucune ) elle auoit esté habitee de plusieurs capitaines & chefs de guerre , & depuis par un long temps de Theodoric roy des Goths & de ses successeurs , lesquels redoutans encor la puissance des empereurs , auoyent plustost esleuceste ville-la pour assiette de leur royaume que Romme , pour la commodité de la mer qui est plus prochaine de Constantinoble .

Pour la quelle commodité ( bien que pour raison toute contraire ) les Exarches s'y estans arrestez , ils deputerent au gouuernement de Romme & des autres citez d'Italie des magistrats particuliers sous le tiltre de ducs .

De la eut son origine le nom de l'Exarchat de Rauenne , sous lequel estoyt comprins tout ce qui n'ayant un duc particulier obeissoit immediatement à l'Exarche .

En ce temps les papes de Romme priuez de toute puissance temporelle , estant la reuerence spirituelle qu'on leur portoit auprecedent comme abbastardie & aneantie par la dissimulation de leurs bonnes coustumes qui commencoient desia à se passer , estoyent comme subiects aux Empereurs : sans la confirmation delquels ou de leur Exarche , bien quils fussent esleus par le clergé & peuple de Romme , ils n'osoient accepter ou exercer leur pontificat : aincois , dautant que communement le siege de la religion ensuit la puissance de l'Empire & des armes , les Euesques de Constantinoble & de Rauenne disputoyent : souuentefois de la superiorité auec l'euesque de Rome .

Mais peu de temps apres l'estat des choses se changea . Carles Lombards ( gent fort cruel le ) estans entrez en Italie , occuperent la Gaule cisalpine ( laquelle de leur empire print le nom de Lombardie ) Rauenne auec tout l'Exarchat & plusieurs autres parties d'Italie , & estendirent leurs armes insqu'a la marque d'Ancoue , Spolete & Beneuent , esquels deux lieux ils creerent & establirent Ducs particuliers .

A quoy cependant les empereurs ne donnant aucun ordre , partie pour leut couardise & nonchal lance , partie pour les difficultés & empeschemens qui'ls auoient lors du costéd A sie , la uille de Romme estant de stituée de leur secours n'y ayant plus en Italie de magistrat des Exarches , commenca à se gouuerner par le conseil & authorité des papes : lesquels depuis vn si long temps estans auec les Romaines oppressez par les Lombards , eurent finalement recours à l'aide de Pepin roy de France , lequel estant passé en Italie auec vne puissant'armée dechassade cest Empire vne partie des Lombards qui y auoientia dominé plus de deux cens ans , & donna au pape & à l'Eglise de Romme , comme choses deuenues siennes par droict de guerre , non seulement Vrbino , Fano , Eugupio & plusieurs terres pro chaines de Romme , mais aussi Rauenne auec son Exarchat , sous lequel on dit qu'est comprins tout ce qui est depuis les confins de Plaisance , contiguz au territoire de Pauie iusques à Arimini , entre le fleuue du Pau & l'Apennin , les estangs , ou plustost marets & palus des Venetiens & la mer Adriatque & depuis Arimini iusqu'au fleuue de la Toglia , lequel lors on appeloit Isaurum .

Mais apres la mort de Pepin , estant aduenu que les Lombards troubloient de nouueau le pape & ce qui luy auoit esté donné , Charles fils de Pepin ( apres que pour ses grandes prouesses & victoires , il fut à bon droict appellé Le grand ) aiant destruit entierement leur empire , conferma la donation faicte parson pere à l'eglise de Rome , & approuuace , que pendant qu'il guerroioit les Lombards la marque d'Ancone & la duché de Spolete ( laquelle comprenoit la cité d'Aquila & vne partie de la Brutie ) s estoient volonterement données au pape . On afferme ce que ie i'ay dit pour tout certain .

A quoy aucuns escriuains ecclesiastiques adioustent encor que Charles donna à l'eglise le Ligurie iusqu'au fleuue de Varo , dernier confin d Italie , Mantoue , & tout ce que les Lombards possedoient en Friuoli & en'Histrie .

Quelqu'un aussi escrit le mesme de I'Ile de Corse & de tout le territoire qui est contenu entre les villes de Luna & de Parme .

Pour lequel bienfaict les rois de France celebrez & esleuez parles papes , acquirent le tiltre de Rois Treschrestiens . Depuis & enuiron l'an de grace huict cens , le pape Leon & le peuple de Romme ( le Pape , di-ie , sans autre puissance ou authorité que de chef de ce peuple ) esleurent ce mesme Charles pour Empereur de Romme , separans mesmes pat ce nom ceste partie de l'Empire de ceux qui habitoient à Constantinoble : comme si Romme & les prouinces de l'Occident n'estans deffendues par eux , eussenteu besoin d'estre deffendues & gardées par vn prince qui leur fust comme propre , & particulier .

Par la quelle diuision les Empereurs de Constantinoble nefurent encor priuez de la Sicile , ne de la partie d'Italie , laquel le tirant deuers Naples à Manfredoni , est bornée de la mer , d'autant qu'elles estoyent demourées continuellement sous la puissance de leurs Empereurs .

Cependant par tout cela ne fut derogué à la coustume , suiuant laquelle l'election du pape se confermoit par l'Empereur Romain , sous le nom duquel se gouuernoit la ville de Romme : ains les papes mesmes par leurs bulles , priuileges & concessions , quottoient le temps parces paroles expresses & formel les : IMPERANTE CAROLO IMP. DOMINO NOSTRO . En laquelle subiection ou recognoissance ils continuerent iusques à ce , non pas que le succez des affaires leur donnast courage de se gouerner par soymesmes , mais qu'aiant la puissance de ces Empereurs commencé de s'affoibler premierement par les contentions qui suruindrent entre les successeurs mesmes de Charle maigne , pendant que la dignité imperiale demoura entre leurs mains , puis par estre transportée à des princes Allemans , lesquels n'estoient si puissans que ceux de la lignée de Charlemaigne , pour la grandeur du roiaume de France , & le pape & le peuple de Romme & le magistrat , par lequella uille , bien que tumultueusement , commenca d'estre gouuernée , en de rogeant entierement en tout ce qui leur estoit possible à la iurisdiction des empereurs , ordonerent par un decret & loy sollennelle , que des lors en auaut l'election du pape n'auroit que faire d'estre confermée par l'empereur .

Ce qui s'obserua diuersement par un long temps , selon que la puissance des empereurs se le uoit ou s'abaissoit par diuers succez des affaires : laquelle estant grandement accreue depuis que l'Empire fut uenu entre les mains des Othons de Saxe , le pape esleu par la faueur d'Otho le tiers lors present , meu d'affection & amour particulier enuers sa propre nation , & irrité du mauuais traictement qu'il auoit reeeu du peuple Rommain , transporta par son ordonnance aux Allemans la puissance d'elire , l'empereur de Romme en la forme & maniere qui s'obserue encor de nostre temps : deffendant toutefois à ceux qui seroient esleus ( pour reseruer tousiours aux Papes quelque preeminence ) de n'user du tiltre d'Empereur ou Auguste sinon que premierement ils eussent receu la couronne de l'Empire .

Dont est procedée la coustume de venir à Romme pour se faire couronner , & de ne s'at tribuer auparauant autre tiltre que de Roy des Rommains & de Cesar .

Mais estans depuis les Othons deffaillis & la puissance des em pereurs amoindrie , d'autant que l'Empire ne se continuoit hereditairement en rois grands & puissants , la ville de Romme se retira ouuertement de leur obeissance , & se rebellerent plusieurs citez au temps de l'Emhereur Conrad de Sueue , pen dant que les Papes , entendans tousiours à s'aggrandir de plus en plus , seigneurioient presque entierement la ville de Rome , combien que souuentes fois par l'insolence & discorde du peuple ils eussent bcaucoup d'affaires .