LEs personnes de ma qualité éstant eslevées sur le theatre du monde , & leurvie continuellement exposée au regard public , lon a dit auec beaucoup de sens , que dautant plus grande est leur condition , dautant moindre est leur libertè : Car bien que leur conscience ne les oblige a respondre de leurs actions qu 'a Dieu , qui seul est Juge de leur debuoir , leur honeur les contrainct sounent de rendre compte , mesme de leurs secretes pensées , au commun des hommes qui est juge de leur reputation .

Si mon atriuée en flandre , qui monstroit quelque chose d'estrange , a fair parler beaucoup toute la Crestienté , ma sortie de ce mesme lieu , qui a eu des circonstances & des suites asses extraordinaires , ne fait guere moings parler toute l'Europe . Mais comme la mauuaise fortune â aussy peu de quoy recompenser les justes louanges , que la bonne en a trop pour payer les flateries : La misere de la mienne en lun & en lautre temps , a fait qu'il s'est trouué plus de langues & de plumes interessées pour me blasmer , que de charitables pour me deffendre .

Aussy i' apprens maintenant de toutes parts qu'on essaye par divers moyens de descrier le desseing & la forme de ma retraitte des pais-bas , soit par lettres qui s'escriuent en diuers lieus , soit par memoires relations & gazettes , qui senuoient & se debitent , soit par manifestes qui courent dans le monde , mesme soubz mon nom , l'un desquelz est paruenu imprimé jusques a moy , qui est vne piece laquelle semble auoir pour fin ma justification , mais qui ne tend qu 'a me nuire , & a me brouiller en effect de tous costés . Bref je descouure qu ' on n'obmet rien d'imaginable pour donner des interpretations sinistres a cette retraite .

Or comme i'ay subject de craindre que tant d'artifices ne preuallent contre la sincerité de mes intentions , & la verité de ma conduitte : speciallement que ce pretendu manifeste qui passe pour mien , n'ait encores desormais plus de force en cette qualité , apres auoir esté veu publicquement en mes mains , ce qui luy seruiroit d'approbation tacite si je le dissimulois . Ja'y creu debuoir a ma reput●tion , & a mes vrais interests , vne declaration publicque contenant le desadueu de cette piece , & d'autres semblables , s'il s'en trouue aulcunes : ensemble les principaux motifs qui m'ont portée a me retirer des pais-bas , les rencontres qui mont faict passer en Angleterre , et la resolution en laquelle je suis auiourdhuy , affin qu'on nait plus lieu d'en parler diversement , ou a mon desavantage .

Je desire qu'n chacun scache , que lors que je me suis refugiée dans la Flandre , j'ay regardé ce lieu la comme vn port voifin , ou je suis accourue pour fuir la tempeste qui m'agittoit , mais non pas comme vn pais que j'eusse voullu choisir pour y demeurer , ou pour y prendre quelque establissement : J'estois attachée a la France par des lieus trop puiffants pour auoir eu de telles pensées .

Je veux bien aufly qu'on scache qu'en tout le temps que j'ay sejourné dans les pais-bas , soit pendant la pais , soit apres la rupture suruenue entre les deus coronnes , mes principaus soings & mes meilleurs souhaits , ont tousiours eu pour object ma reconciliation auec le Roy , Monsieur mon filz , que je ne me suis jamais cachée de ce desir , mesme que le Roy Catholicque , Monsieur mon beaufilz , m'a tousiours tesmoigné qu'il l'estimoit iuste & louable .

Jl est vray qu'ayant trauaillé pour mon accommodement l'espace de sept années sans aucun fruict , & descouurant par l'aduis des plus sages non passionés ny interessés , par le bon raisonnement , & par l'experience mesme , qu'il s'eslognoit plustost qu'il ne s'aduançoit apre● tant de soings employez a le rechercher : que le lieu ou je demeurois sembloit m'estre vn perpetuel obstacle a toutes les aduenues qui m'y pouuoyent conduire , tant a cause de la rupture qui continuoit , que par d'autres fortes considerations . Je recognus en fin qu'il m'estoit expedient de viure aumoings quelque temps en vn lieu non suspect , et comme la saison se trouua propre a boire des eaues de Spa , lors que j'entrois en ces deliberations , je me resollus d'aller faire quelque sejour dans les terres des Liegeois , quisont neutres , esperant par ce moyen prendre vn bon remede pour ma santé , & pareillement vn bon poste pour aduancer ma reconciliation .

Voila quel fut mon project sans rien determiner sur le subject de mon retour en Flandres : Et a n'en mentir point cette incertitude ou j'estois m'empescha de communicquer les particularitez de ce desseing a mon Nepueu le Cardinal Infant , joinct les occupations de la campagne qui le tenoient esloigné de moy sur le point de mon partement , en sorte qu'elles ne me permirent pas de luy dire adieu moymesme .

Je m'acheminay donc en partant de Bruxelles pour aller droict a Liege , ou j'estois attendue avec expectation , comme je fus receue auec applaudissement dans les Villes de sa dependance : enquoy j'ay subject de scauoir beaucoup de gré aux Magistrats du pais des ordres qu'ilz auoient donnés pour ma reception par tout ou je debuois m'arrester . Neantmoings ayant depesché en Hollande & en dautres endroits , affin de pourueoir a ma seuretè pendant le sejour que j'auois a faire dans les terres de Liege : outre qu'il se rencontra quantité de difficultés pour y asseurer ma demeure , il s'en descouurit encore vn plus grand nombre qui en pourroient empescher ma sortie , s'il arriuoit que je fusse necessitée d'aller ailleurs . De maniere que preuoyant tous ces accidens par les aduis qui venoient de ceux que j'auois enuoyéz , en recognoissant vne partie sur les lieux , & trouuant le passage libre par la Hollande : j'estimay qu'il ny auoit point de temps a perdre pour chercher vne assiette seure & tranquille , qui m'estoit la chose la plus importante a lors , veu lestat flottant ou je me rencontrois . Ainsy pour ne la pas commettre au hazard & a des euenemens si doubteux , je pris ce parti sur le champ de passer en Angleterre , comme le plus affuré .

Mais auant que de continuer ce discours , je ne scaurois obmettre le succes dont il a pleu a Dieu fauouriser mon voyage , qui , est tel , qu'il a surpassé veritablament ce que j'eusse pû souhaitter . Mon Cousin le Prince d'Orange qui vint au deuant de moy jusques a l'entrée du pais , me receut en l'equipage ou i'estois , ( qui me pouuoit rendre mescognoissable , ) de me sme qui si mon adversité m'cut seruy de lustre , & que j'eusse esté en aussy grand esclat qu'on mayt veue dans ma plus haute prosperité . Pour ce qui est des Estats ilz m'ont traictée non seullement comme vne Princesse de ma condition qui demandoit passage ; mais comme ilz eussent pû faire vn Roy triomphant qui le● fut allé visiter pour leur donner part des ses victoires . Et pour le regard de ma Cousine la Princesse d'Orange , qui m'a tousiours accompagnée par toute la Hollande , elle a vescu si respectueusement , & si obligeament aucc moy , faict si agreablement l'honneur du pais & de ses maisons ou elle m'a logée , que j'eusse pû m'imaginer estre dans les miennes , n'eut esté que ma mauuaise fortune m'auoit trop accoustumée a scavoir qu'elles n'estoient plus en ma possession . Quant a l'accueil que m'a faict le Roy de la grand Bretaigne Monsieur mon beaufilz , tout ce que i'en pourrois dire seroit bien au dessoubs de ce que chacun a veu , & de ce que j'ay recognu moy mesme . Par sa magnificence extraordinare a mon entrée dans Londres , Il a publié l'estime qu'il faisoit de ma personne : par sa resiouissance qui paroissoit sur son visage , & sur celluy de tous ses subjects ; il a monstré combien ma presence luy estoit chere . Mais sur tout j'aduoue que la veritable amitié que j'ay leue dans son coeur , la franchise de son procedé , & les tendres affections en mon endroict de la Reyne Madame ma fille , qui ont a la verité peu d'exemples , m'ont tellement soullagée de mes afflictions pressantes , que je ne scay comment j'aurois pû l'estre dauantage quant Dieu m'eut enuoyé du ciel vn Ange pour me consoller . De sorte que je n'eusse eu dans tout mon voyage , que des matieres de joye , si les mesmes choses qu'on preparoit pour me plaire , ne m'eussent esté parcillement des subjects de triste meditation : en ce qu'elles me faisoient penfer que le feu Roy Monfeigneur paroissoit bien encore viuant en ma personne dans les pais estrangers , mais qu'en effect sa memoire mesme sembloit morte pour moy dans son Royaume .

Maintenant pour reprendre la suitte de mon discours ou je l'ay quittée . Jay a dire que je ne pense pas ayant desduict naisuement ce qui s'est passé en ma retraicte de Flandre , qu'on me puiffe imputer d'avoir negligé ma reputation pour auoir verllé au bien de mes affaires , ny qu'il soit mal aysé de persuader a ceux qui en jugeront fainement , que je n'ay rien faict en cette retraicte , en ses circonstances & ses suites , non plus qu'en tout le temps que j'ay fejourné dans les pais-bas , qui soit contre les loix de la gratitude : j'adiouste que je n'cuffe mesme rien faict contre la bienscance quant au fortis des terres d'Espagne je fusse demeurée dans la Hollande , qui luy est ennemie , pour ce que je n'cusse pas en cette occasion cherché la Hollande comme ennemie d'Espagne , mais comme amye & confederée de France . Et cette quallité de la Hollande qui m'estoit pour lors advantageufe , n'estoir point nuisible a l'Espagne , en ce qu'olle me profitoit : desorte que demeurant en Hollande , je n'eusse apporté nul prejudice a l'Espagne , en me bien faisant .

Et quant aux bruits qu'on a faict courir , que j'allois en Hollande pour deseruir Espagne , & que des miens par mon ordre auoient baillé le plan de plufieurs places des pais-bas a Mon Cousin le Prince d'Orange , ce bruit la est fi ridicule qu'il ne merite qu'ne responce de raillerie . Certes j'aurois eu bonne grace de faire veoir par c'et exemple a mon Coufin le Prince d'Orange , qui me recevoit si humainement , comme je traictois bien mes hostes quant je n'estois plus ches cux : et dailleurs en luy donnant bonne impression de ma probité , je luy cusse faict cognoistre que je l'avois encore meilleure de sa preuoyance , la jugeant telle qu'il n'auoit pas soing de se pouruoir du plan de toutes les places des pais-bas ; vraiement cella cust passé pour vn beau compliment a mon arriuée .

Aussy ce bruit la est il dautant digne de risée , q'un autre tout contraire qu'on a voullu gliffer est faux , & d'une inuention malicicuse , que j'estois passée en Hollande pour traicter la trefue , ou bien pour faire des praticques contre les pais 〈◇〉 , & contre mon Cousin le Prince d'Orange soubz le pretexte d'hospitalité .

Mais le temps ayant faict veoir , mesme aux plus simples , que ces bruits n'ont rien de vray , comme la raison a tousiours faict comprendre aux sages qu'ilz n'auoient point de vrai-semblance : je me veux arrester a ce qui est de plus grand pois , & pour toute justification de mes desseings & de ma conduicte , declarer ingenuement qu'els ont esté les mouuemens de ma volonté , au regard de France & d'Espagne pendant que j'ay seiourné dans les pais-bas , & pourquoy je m'en suis retirée .

J'ay gardé ce temperament en tout le temps que j'ay passé dans la Flandre , que mes affections aussy bien-que mes deportemens , ont tousiours esté neutres pour ce qui a regardé les affaires publicques entre la France & l'Espagne . Les assistances que je receuois d'Espagne d'une part , & de lautre les attachemens que j'auois a la France , m'obligeoient d'en vser ainsy . Et a parler nettement , j'eusse creu faire autant contre la justice , tandis que j'ay demeuré dans les terres d'Espagne , & vescu a ses despens , de prendre le parti de France au prejudice d'Espagne , qu'il cut estè contre mon inclination de prendre celluy d'Espagne , au prejudicede France . Et quoy que ce pretendu Manifeste en exagerant les plaintes qu'il faict d'Espagne soubz mon nom , ait coullé artificieusement , que j'ay beaucoup affectionné le bien de ses affaires , ce qui est vn venin couuert pour me nuire du costé de France . La verité est qu'Espagne ne m'a pas d'autre obligation pour ce point la , que d'auoir tousiours souhaitté passionnement l'union & la concorde entre les deux coronnes , dont j'auois autrefois jetté les fondemens par vne double alliance entre Elles : et d'auoir desiré grandement apres la rupture , de contribuer tout ce qui eut dependu de moy , pour le restablissement de la paix .

A Dieu ne plaise que j'eusse voullu payer les nouuelles obligations que j'auois a l'Espagne , aux despens des antiennes que j'ay contractées auec la France par le lien de mon mariage . C'est a elle a qui j'ay voué mes premieres affections : C'est elle qui les conseruera perpetuellement auec les cendres du feu Roy Monseigneur .

Mais a Dieu ne plaise aussy , que pour quelque aduantage qui m'en peut venir du costé de France , il me tōbast en la pensée de desaduouer les obligations que j'aya l'Espagne . Je scay trop que le dernier degré de l'ingratitude , c'est de nier les bienfaicts , taut s'en faut je les publieray tousiours hautement par tout . Et je confesse qu'il me deplaist asses de n'auoir point d'autre moyen pour m'en acquitter qu'en me louant en toutes occasions , comme je say en cellecy , de la subsistance que m'a donnée le Roy Catholicque Monsieur mon beaufilz pendant sept années , & des preuues d'amour cordial que j'ay receues de la Reyne Madame ma fille : des soings qu'a eu de ma personne feu ma soeur l'Infante , qui ne m'a dailleurs pas moings edifiée par sa vertu , qu'elle m'a consollée par ses bons offices , de la courtoisie & bonne volonté en mon endroit de mon Nepueu le Cardinal Infant : qui sont des effects que je refere aussy principallement au Roy Catholicque Monsieur mon beaufilz , a l'intention duquel mon Nepueu & ma deffuncte soeur l'Infante , n'ont faict que joindre leurs naturelles dispositions .

Apres cella je suis bien esloignèe de vouloir affoiblir ces tesmoignages publics que je desire confirmer en tous lieux , par quelques plaintes contre aucuns de ses Ministres . Et c'est en quoy je suis encor notablement offencée par les autheurs de ce pretendu Manifeste , d'en auoir exposé de fauses a la veue du monde soubz mon nom : Au contraire il m'importe qu'on scache , comme il est vray , que quant il y auroit eu des manquemens en mon endroit par la faulte de quelques vns des Ministres qui sont en Flandres , ce qui eut esté contre les ordres du Roy Catholicque Monsieur mon beaufilz : le bon traictement que je receuois du Maistre , cust couuert a mon esgart l'inobseruation des seruiteurs : Et bien qu'il ne m'en eust pas osté le sentiment , la discretion m'auroit apris a le taire .

Il ne sera jamais dit aussy , que ce qui partira de moy contienne rien de semblable : Mais bien l'entiere satisfaction que j'ay du Roy Catholicque Monseur mon beaufilz . Et j'ay depesché expres en partant de la Haye vers mon Nepueule Cardinal Infant , pour luy temoigner ces sentimens de ma recognoissance , & pour luy faire entendre a quelle intention je suis sortie des pays-bas ; qui est la mesme ou je persiste aujourdhuy , & que je veux clairement exprimer pour conclure cette declaration .

Mon object n'a esté & n'est autre en tout ce procedé , que ma reconciliation anec le Roy Monsieur mon filz . Pour cette fin les moyens qui sembleroient difficiles & fascheux aux personnes de ma condition , me seront doux & faciles . Je ne compte pas entre ces moyens penibles d'affectioner ceux qu'il honnore de sa principalle confiance : Je le feray sans contraincte , & de bon coeur , quoy qu'ilz ne m'en donnassent point subject : Et suis resollue de ne rien obmettre ( non pas mesme ce que je scaurois employer en vain ) pour posseder l'amitié du Roy Monsieur mon filz .

C'est vn bien a la verité pretieux pour moy : Mais qui m'appartient a tant de justes tiltres , qu'on ne me blasmera non plus de le pretendre , qu'on ne me pourroit accuser sans me faire tort d'auoir en consequence le moindre souhait de participer a l'authorité du gouuernement . Je ne me pardonnerois pas a moy mesme , si j'auois eu vne tentation de cette nature , & si je ne tenois cette auctorité la autant inutille pour ma felicité particuliere , que j'estime l'amitié du Roy Monsieur mon filz , necessaire pour mon contentement parfaict .

Il sera bien aisé de croire que je suis dans ce sentiment , si lon veult en cella juger du present par l'exemple du passé , & pour cet effet jetter les yeux sur mon administration pendant ma Regence : examiner en quoy je m'en suis preualue ; & de quel esprit j'ay gouuerné . Quant par mon malheur & célluy de la France , perdant le feu Roy Monseigneur , je fus engagée a donner mes soings & mes veilles , pour soustenir les affaires publicques qui estoint en eminent peril : deslors que le voeu commun des ordres du Royaume eut commis a ma conduitte la fortune de tout l'estat , je pense auoir oublié tellement la mienne , que la mesdisance , & mes ennemis ensemble , n'ont jamais songé de mettre en auant que je me sois quelquefois considerée pour tirer aduantage de mon auctorité : Ny que l'ambition ou l'interest , ait eu voix en quelque occasion dans mes conseils particuliers . On ne mettra pas en doubte le premier puis qu'il est constant que je n'ay voullu chercher autre gloire pour moy dans ma Regence , que de laisser a la fin le Royaume aussy tranquille & florissant soubz la conduitte d'une femme , nonobstant les troubles qui estoient suruenuz , q'un des plus grands Roys du monde l'auoit veu en mourant , apres douze années d'une profonde paix . Et quant a l'interest j'ose bien dire , sans blesser la modestie ( ce qu'il semble que la France auroit peine a nier sans ingratitude ) que j'ay administré de sorte le bien du Roy Monsieur mon filz , que pour le conseruer je l'ay regardé comme le mien propre : Mais que pour en vser , je l'ay consideré comme le bien d'autruy . Tellement qu'a la fin de tous mes trauaux , il ne m'est demeuré que la qualité de Mere ; laquelle Dieu mesme ne me pourroit oster .

Ces actions dont les monumens publics seront a jamais tesmoings , sont les seuls trophées que j'ay faict dresser a ma memoire ; Ces actions disie , sont les sculles citadelles , dont je me suis pourueue , & que i'ay basties dans le coeur du Roy Monsieur mon filz , dans celluy des François , & dans ma propre conscience . Mais certes pour ne me point tromper , c'est sur ce dernier fort que i'establis mes principalles esperances , & en tous euenemens ma plus solide satisfaction . Apres tout quant il arriueroit par des raisons secretes de la prouidence de Dieu , que le reste de mes iours se passast dans les disgraces , quant ie n'aurois point auant que mourir la consolation de reueoir le Roy Monsieur mon filz , ie ne laisseray pas de luy donner absente , comme ie fay , des benedictions continuelles . Et ie veux en ce cas finir ma vie , comme ie finis cette presente declaration . Priant Dieu que ces miennes benedictions , soient aussy efficaces pour luy , que si l'auois tousiours esté bien fauorablement traictée .