DIEV tout puissant , Roy des Roys , Seigneur des Seigneurs , le seul Dieu , & gouuerneur de toutes choses , C'Est de ton oeuure que les Rois regnent : Toy tres-haut as la souueraineté sur tous les Empires du monde : Comme tu te monstres pere des tiens en ton filz Iesus Christ , aussy pour la conseruation & asseurance de ton Eglise : tu establis les Rois entre les homes : Par ceste tienne grace ( Seigneur ) tu nous as suscité Elizabeth nostre Roine pour auoir gouuernement surnous , laquelle de temps en temps , il t'a pleu deffendre de beaucoup de perilz , pour confermer de plus en plus , sonsceptre , & , sa couronne à l'Encontre de tous ses aduersaires : Tu as esté sa conduité , & addresse par ta bonté : Tu nous l'as donnée pour mere , & pour nourrice , à ta poure Eglise , à fin que souz sa protection , estans maintenuz en paix , & liberté de conscience , nous puissions te seruir tout le temps de nostre vye en sainteté , & Innocence : Tu nous l'as conseruée miraculeusement : Tu l'as gardée pour nous deffendre , & nous faire Iouir de ce grand benefice : Tu as maintenant par ta puissante , & admirable mercy manifesté les practiques de ces cruelz , & cauteleux ennemis , qui auoient conspiré de l'Oster du millieu de nous , & l'Esteignant , d'exterminer la Religion , & troubler la Paix : Et ainsy nous vendre & liurer en proye à ce detestable filz de perdition , & sanguinaire Antechrist de Rome . Seigneur , nous confessons qu' à cause de noz pechelz , & rebellions , nous sommes indignes de ta faueur , & meritons d'Estre exposez à l'abandon pour estre deuorez de ces cruelz rebelles : Mais ce pendant , O Dieu ! Ce que tu eusses peu faire iustement , eust esté excecuté par eux iniustement : Nous prouoquons à tous momens ton yre à l'Encontre de nous , & neantmoins , nous ne leur donnons aucune occasion des ' Offencer contre nous : Mais leur malice est sy grande qu' ilz nous haïssent sans cause : Voire leur Impieté est sy horrible , qu' llz cerchent nostre tuine , seulement pour ce que nous inuoquons ton saint nom : Ilz atte●… de son frere Abel : Mais ilz n' en veullent pas tant à nous qu'à toy O Dieu : Or par ta singuliere bonté , tu nous as espargnez , & retirez de leur danger : Tu as confondu leur sagesse , & les as surprins en leurs ruses , & finesses : Aussy ( Seigneur ) tout honeur , louanges & graces t'En soient rendues à Iamais , en l'assemblée de tes fideles .

Maintenant , nous te supplions ( pere misericordieux ) de faire paix auec , lestiens , & de n'abandonner ton heritage : Ne permets point que nous soions en risée , & moquerie aux Infideles , Queles Iuifs , Paiens , Turcs & Papistes , ne triomfent contre toy de nostre desolation , Et dient : Oú est maintenant leur Dieu ? Mais selon tes grandes compassions , ne nous Impute point noz offences , & pour nous rendre conformes à ta volonté , Renouuelle en nous ton esprit : Acheue l'Oeuure que tu as commencé en nous , & poursuy de confondre , & disciper les enterprises de ceux , qui te sont contraires , comme Iadis tu confondis , & discipas l'Enterprise de Babel : Enueloppe les en la folie de leurs propres conseilz , comme tu enueloppas Achitophel : Frappe les par ton Ange , comme tu frappas les forces de Senacherib : Submerge leurs desesperées enterprises , ainsy que tu noias Pharaon : Preuien les en leurs trahisons , ainsy que tu preuins Absalon : Et sy quelques vnz d'Entre eux sont à conuertir , Change leurs coeurs , comme tu feis à Manasses : Sinon , fay leur sentir leur iuste punissement , comme tu feis à Dathan & à ses complices , à celle fin qu' llz seruent d'Exemple à la posterité , pour cheminer en ta crainte , & adorer tes Iugements : Nous te supplions aussy treshumblement , de continuer tes bontez enuers nous , selon ton ancienne accustumeé misericorde : Deliure de tout mal nostre Roine Elizabeth : Sois luy pour garde , & forteresse : Addresse la de plus en plus en la vrage cognoissance de ton salut , a fin que recognoissant , combien grands sont tes benefices enuers elle , Elle S'estudye à auancer le regne de ton filz : Enflamme en son coeur , le zele qu'Elle a de te seruir , & de faire que ton seruice soit conserué entre nous en toute pureté : Conduy la tousiours , à fin qu'Elle domine sur nous en bonne paix : Ne souffre point , que nous son peuple , soions ingrats enuers toy : Mais nous octroie vn coeur pur , pour te rendte l'honeur , & recognoissance , que nous te deuons , & que nous toùs , qui viuons souz son authorite , Conseillers , Ministres , & autres , chacun en sa vocation , Menans vne vye sainté en ta presence , luy rendions obbeissance telle qu'll appartient : Et prolongeant son regne sur nous , Il te plaise la guider en sorte , qu'Elle plante de plus en plus , la piëte entre nous : Qu'elle reforme ce qui est à reformer , & qu'elle nous gouuerne en Iustice , Sy que tel bien nous demeure à Iamais , & à nostre posterité , faisant que la louange de ton nom continue és coeurs , & és bouches de nous tous , à fin que tes fideles puissét dire à perpetuité , Le Seigneur soit loué . Ainsy soyt-il .