Luna in Ariete .

QVando luna fuerit in Ariete signo mobili orientali calido et sicco igneo et colerico & masculino bonum est iter versus orientem incipere & in illa parte mercandizare . Et qui tunc iter incipit bene a● 〈◇〉 ●omplebit Et bonum est sanguinem mi●●●●e de brac●iis balneum intrare et illud fa●●●● velīcip●●● quo vis cito finire malum est ●●●●t lauare medicate ventosas in colo po●●●● et sanguinem de naribus minuere / vxo●●●● ducere / domum fundare precium vel aliquod incipere quod vis diu perseuerare medicina non accipiatur quia si accipiatur cito euomitur .

Luna in Tauro .

QVando luna fuerit in Tauro signo / Signo meridionali frigido & sicco melencollico terreo femineo bonum est seminare ortos / vineas / et arbores plantare : quia scito crescunt et multo durabunt bonum est mansiones fundare / vxorem ducere / et illud facere quod vis multum durare Malum est medicari collum et gulam / et gulam vel aliud incipere quod vis cito complere .

Luna in geminis .

CVm in geminis luna fuerit signo cum bipartito cum corpore calido et humido aereo sanguineo & masculino bonum est amicicias tractare concordiam inter litigantes facere matrimonium contraher●

¶ Die dominica hora diurna est vtilis qui nascetur magnus et spendidus erit .

¶ Feria secunda hora diurna siue nocturna puer natus fortis erit in omnibus rebus .

¶ Feria .iii. hora diurna siue nocturna qui nascetur fortis erit incupidus et ferro peribit et vix ad vltimam etatem perueniet .

¶ Feria quarta hora diurna siue nocturna qui nascetur ad verba discenda facilis erit .

¶ Feria quinta hora diurna siue nocturna qui nascetur affablis et honorabilis erit .

¶ Feria sexta hora diurna siue nocturna qui nascetur vitalis et luxuriosus erit .

¶ Sabbato vitalis erit nisi cursus lune contrarius fuerit .

¶ Luna prima qui natus fuerit vitalis erit Luna .ij. Mediocrus erit . Luna .iij. Infirmus erit . Luna .iiij. tractator regni erit . Luna .v. Iuuenis tolletur . Luna .vi. vitalis erit . Luna septima vitalis & vtilis erit . Luna .viii. descidet . Luna .ix. multorum acquisitor erit Luna .x. circuibit multarum regiones . Luna .xi. ad quisitorum erit . Luna .xii. religio●us erit . Luna xiii . aduersus impeditor erit . Luna .xiiij omnium tractator erit . Luna .xv. Iuuenis moriet Luna .xvi. vitalis et pau{per} erit Luna .xvii. infelix erit Luna .xviij. non diu viuet Luna .xix in honore Luna .xx. bellator erit Luna .xxi. latro ingeniosus erit Luna .xxij. laboriosus erit Luna .xxiij. vulgaris et luxuriosus erit . Luna xxiiij . copiosus erit Lūa .xxv. {per}icula multa pacietur . Luna xxvi . nec diues nec pauper erit . Luna .xxvij. amabilis erit . Luna .xxviij. negligens erit . Luna .xxix. bonus . Luna .xxx. negocia multa tractabat .

¶ Tabula Sciendum quid significat tonitruus in aliquo mense veniente .

¶ Ianuarius ventos validos et habundancia frugum et bell . in eodem anno .

¶ Februarius multorum hominum & maxime diuitum morbo pronunciat interitum

¶ Martius ventos validos & copiam frugum atque in opiam licitum in populo .

¶ Aprilis iocundum & fructiferum et morte iniquorum hominum .

¶ Mayus frugum inopiam & famem significat .

¶ Iunius silue ab impetu ventorum obruuntur leones ramporum renbens .

¶ Iulius Annonam bonam & peccorum feter peri●e .

¶ Augustus reipublice prospera affor multi egrotabuntur

¶ September habundanciam frugum et potencium occisionem significat .

¶ October Inopiam annone & fructus arborum et ventos validos .

¶ Nouember habundantiam frugum & iocun dum annum aduenienter

¶ December habundanciaā annone pacē et concordiam significat .

GOd that all this worlde hath wrought And all mankynd hath made of nought and on the crosse vs bought with payn● and wo Sende vs grace so for to doo That we al synfull mankende To that great ioy we may wende That he bought vs all to whan he to deth for vs was do All thynges that ben don and wrety● As these great clerkes wetyn wryten they be for ouer profyte For oure solas and our delyte So sayth seynt poule in his sawe That is a techer of goddes lawe Ther for frendes I wyl you fonde Some thynges to do you vnderstonde That may some what glade your chere And all tho that shud it here For I shall tell you no fable But thynges hothe good and able And that ben prouyd be holy wrye And drawen out by clerkys wyt Therfore lordynges lesse and more Ly●ten all to my lore And I shall rede you beforne what tyme so that a chylde shuld be borne Of that chyld what it shal be fall That his endynge in hys happys all And what betokeneth our dremyng That we met in oure slepyng Good or euyl or vanite All togyder here shal ye And also what tyme is good Man or woman to be latyn blood And a●● thynge that is for to done So seyth the reule of the moone To tell you I haue sowght what tyme is good what tyme is nowght For by the moone withouten lesyng Is reuled euery erthely thyng Therof holy wryght beryth wytnesse And our forefathers as I gesse Adam and Eue and Abraham And all the kynne that of them cam Beryth wytnesse of thys story For it was made by them truly And take exampel at them shulde we That were our forne fathers & prouyd haue be How we shuld here heygh and lowe Our destenyes and our happys knowe Therfore lordynges I pray you For to lysten thys begynnyng now ¶ The fyrste day . THe fyrst day of the moone Adam Our forne father in to this world cam That day is good withouten synne All thynges for to be gynne The chyld that is borne that day He shal be nobyl and wyse parfay And of longe lyfe withouten fayle But often he shal be in great trauayle And who so that day take sekenesse He shal langure longe as I gesse with great payne skap he shall And therfore alway thanke god of all And what thou metyst in thy slepe God of his mercy thereof take kepe For it shall tourne the to Ioye and blysse wherof god geue vs grace not to mysse But that day is no tyme good On no manere to be let blood To let the blood on no vayne who so wyll ben withotuen payne . ¶ The second daye . THe second daye profytabyl is All thynges good to do I wys That day our lord gan eue make Of mannys rybbe she was take who so wyll to wyfe that day olde or yong take That day is good weddyng to make For who so that daye wedde hys wyfe Togyder they shulde haue longe lyfe And often bothe myrthe and wo So had Adam and Eue also who so do any thefte that day He shal be taken there with perfay what chyld so that day be borne Many vertues lye hym beforne A blessyd body shall he be wyse in good and of herte free Be it mayden be it knaue Ioy Inough it shall haue Loue of man and of woman More than this boke tell can And who so that daye take sekenesse He shall sone be hole as I gesse what so in thy dreme come to the It shall tourne in to vanyte And who so wyll that daye blede It wyl helpe hym yf he haue nede ¶ The .iii. day . THe .iii. day Cayn was borne what so thou doste that day is lorne But thou serue oure heuen kyng Therfore I rede thee withouten lesynge That ye that day no thyng begynne For ye shuld lesynt it youre synne For Caym for his synne full euen Had the curse of god in heuen And who so that daye take sekenesse He shall ben holdyn long in distresse That day is not good out to ryd● He no hors for to stryde And who so that day borne be Fase and couetyse be shall he And loth to gyue the pore bred And dey he shall a wycked ded That thou dremyst it tourneth to nought To lete the blod be not thy thought For that day is meruylous And a day full perylous ¶ The .iiii. day . THe .iiii. day borne was Abell That day thou may boldely and well Al that thou wyll boldely begynne Out taken dedys that longe to synne That day is good a myll to bygge And after hedys of water to dygge To opyn them and late them ren●e Bothe be feld and be fenne who so be borne that day without fayle He shal haue aparty trauayle He shal be aparty lechour But he shal suffer in m●ny a sharpe shour He shal wele ouer scape all And great rychesse hym shal be And greate well or that he dey who so that daye do ony foly Or any theft and therfore fle Hastely founde shal he be who so that day in sekenesse fall Son●●ey or wast he shall what thou thynkyst in thy dremynge It shal amende ne helpe no thynge That day is good for euery man I wys To passe the see with marchandys That day to let the blood Is neyther moche euel ne good ¶ The .v. day . THe .v. day Abel made is offeryng For his synnes to the heuen kyng And Caym made his sacrifyce That day falssely in all wyse That day is nought to take Sacrifyce theron to make who so that day borne be Hard destynes haue shal he He shal be euer sory and madde In all his lyue therwith I ladde In great trauayle and in synne And vnneth it shal fro hym wynn● That daye who so do ony trespasse He shal be takyn with that casse who so that day sekenesse haue Medecyne ne no leche shal hym saue who so that day to the see fare Hym were better not come thare That thou dremyst shal be certayne But tell no man that in vayne If thou wylt that day blede About vndyrne thou shalt best sp●de But loke that day thou do nought But thynge that nede muste be wrought ¶ The .vi. day . THe .vi. day were borne ●abir ●●●fren That were two nobyl men That day is good and happy to game For to hunte and birdys to tame The chyld that that day borne ys It shal be hardy and bold I wys Of long lyfe happy to good Blythe and ●oly and mylde of mood And if it a mayde chyld be Happyn on noble husbonde shal she And who so any trespace do He shal skape fayre there f●o And who that day ony sekenesse lacche It shal be stronge a way to katche For he shal be pynyd with all But at the la●t skape he shall That thou dremyst soth shal be That thou shalt it sone se But loke thou tell it no man For nougth that any frende can But that day is not good For to let veyne blood To the see is good to fare If thou haue ony shafare Good tyme to bye and selle And houses to rere and tylle . ¶ The .vii. day . THe .vii. day was Abelle slayne That daye is good for certayne Bestis to put in to pa●●ure And boris to geld that shuld longe ●ure what chylde so that day borne be Good lyffe and longe haue shal he Letteryd and wyse with all That aduenture hym shall be fall what maner man that day stelle owgth ware hym wele he skapeth nowth whoso that day any man s●o● To the same deth he shal goo But and thou take sekenesse that day with medicyne it shal sone away That thou dremyst it shal be tyde If thou half a yere a byde But if it betokenyth ony wo Good prayers may it for doo That day is good also to bl●de To bye and sell thou shalt wele spede And with chafare to the see pas●e And good to wedde if thou haue grace Good happe thow shalt haue to wyfe Peas and loue in all your lyfe ¶ The .viii. day . THe .viii. daye was borne ●●atusale That had hony and whete plente That day is good if thou it knewe To dele with bene and sede to sewe The see to passe trewly to tell And a wyfe to wedde bye and sell If he haue ought be weddyd be forne And haue that day a chyld I borne Be it man or woman I wysse Thorugh lechery it may do a mysse And with the deuyl tenptyd and ledde And of synne be sore a dredde Kynde wyse fre and amyable Curteyse and good happy & stable The name there of shal wyde goo If thou ought that daye mysdoo If thou that day sekenesse fonge It shal goo sone or laste longe But for sothe I the say Of that sekenesse shalt thou not day And he or she be weddyd that day Shall well loue other parfay And eyther of other be of loue Ielous But if thou rere that day an hous It happyth fayre at the last He thorugh fyre be not downe cast who so that day to the scole be sette His kynne for hym shal fare the bette Chafare that daye to bye and sell Is happy and good trewly to tell Good or euyl whether thy dreme be within .iiii. dayes thou shalt it se But pray to god that it be good That daye is tyme to let blood ¶ The .ix. daye . THe .ix. daye is blessyd of chryst That day is borne Iohn the Euangelist That day is good to begynne All thynges that towche no synne who so be borne that same daye Of moche ioy tell he maye In all thynges he shal well spede And be gracyous in worde and dede Hardy and fly ware and wyse And greatly dred and moche of pryse And if thou stele ought in feld or bowre That day thou shalt be taken theyr thorowe But and thou that daye sekenesse take It shall not longe done the wrake Thy dremynge thou shalt thy self sone sene within dayes fully fyftene That day thou may boldely blede In all thy dedys thou myght wel spede Be so thou pray god and seynte Iohn To send the grace well to done ¶ The .x. day . THe .x. daye was borne ●oe what chyld so that day borne be He shal be reckelesse I vnderstonde And ren thorugh many dyuerse londe who so that day fall in sekenesse He shal with woo skappe I gesse That day is good of other thynges To bye and sell and make wedynges . To passe the see and letyn blood And all other thynges that ben good That thou wylt begynnyn than To goddes worshyp and help of man But what thou dremyst I tell the It shal all turne in to vanyte . ¶ The .xi. day . THe .xi. day Seem was borne That I warne the be f●rne Is profytabyl to all thynge So it falle to no synnynge what chyld so that day be borne what he doth it shal not be lorne He shal be of great honour And also a great purchesour what so thy dremyng be To ioye it shal turne the And euery tyme of the day Let the blod wele thou may ¶ The .xii. day . THe .xii. day is good as I say yow To do all thynges to mannes prowe So that thou do no synne It is happy and good to all mankynne That same day withouten lesse was borne the wyse man Moyses The techer of goddes lawys was he what chyld so that day borne be Religyous he shal bee Happy and wyse and ryght wele thee And well belouyd fayr and hende And no dyuel shal hym shende If thou stele ought and skape ouer that day Thou getyst no harme therof perfay If thou any sekenesse take Thou shalt lyue longe and right well skape If thou that day ony queyntaunce make Of any woman in synne to take For her thou shalt haue right grete stryfe Or at the last lese thy lyffe But thyne owen wyfe she be Of thy dreme Ioy shalt thou se That day is good and vertuouse To bye and sell and take spouse That fesyke wyll gyue the leue To lete the blode agayne the eue ¶ The .xiii. daye . THe .xiii. I wyl not lette That day ●oe his vyne gan sette That day is good and profytabel what so thou do withouten fabel Therof thou shalt haue good endyng If thou myslyke not the heuen kyng But what wyfe so that daye haue chylde It shal be wykyd angry and wylde Uycyous recheles and hardy And ●empyng men to foly Thorough hym they shulde to skorne dreue But long tyme shal it not lyue If a mayde chyld borne be Comen of lechery be shal she Or ellys in her chyldhod dye That day is good to sell and bye And with chafare the see to pase But who so stele ought men wyl hym chase And taken he shal be to prysowne Or with his enemys slayne adowne If thou that day take sekenesse It shal holde the longe I gesse And vnneth shal thou skape And what thou dremyst in thy slape The next moone know shalt thowe If it be to thy harme or prowe If thou wylt blede that day By fe●●k without pareyl thou may . ¶ The .xiiii. day . The .xiiii. day ●oe blessid his sone Seem As he stod in sonne glem That day do boldely what thou wylt So thou do god no mysgylt And thou shalt well spede par●ay And what chyld be borne that day ●e shal be both ryche and wyse If he be set to marchaundyse And if he be another maner man Of hym tell you I can He shal be prowde hardy and strong But he shal not be of lyfe long If thou ste●e ought in fen or fryth Thou shalt be taken sone therwyth And if thou that day sekenesse lache No medecyne shal it away catche Thy dremyng is trewe and good And that day is tyme to let blood . ¶ The xv . day . THe .xv. day ●aught Samuele with his enemys ryght his fylle who so that day any thyng begyn Profyte getyth he none theryn who so that day borne is He shal be ryght perylous Iwis Hardy and good of conscience wyse and boold of defence And ofte he shal haue tene and wo By londe and by water also And drownyd in water be he shal Or be slayne som swerd with all who so that day falle sekenesse in It shal be hard therefro to wyn And if thou any thefte doo Therfore thou shalt haue woo That thou dremyst in thy slepe Loke thou therof take noo kepe If thou haue any thyng to done Abyde a beeter tyme of the moone If thou that day shal veyne blod blede In the morowe thou shalt best spede . ¶ The .xvi. day . THe .xvi. day was Boos borne That day in the morowe be foru● Ere thou ony thyng begynne Serue hym that made all mankynne And what thou wylt do boldely Of thynges that trewe men shuld leue by Bye and sell I the plyght And do so what thou wylt with right Good spede thou shalt haue the be forne But what chyld so that day be borne He shal be a good crysten man And help the power all that he can By kynde skyl also he shal Be a member of an hospytal Lyue longe and trewe man be But ryches he getyth neuer great plen●e who so stele ought that day certayne Therwith he shal be taken agayne who in sekenesse that day is downe caste He shal lyue longe but skape at the laste Of what thynge thy dremyng be wythin .iii. yere thou shalt it se That day also withouten dre●e Boldely thou may veyne bloode blede ¶ The .xvii. daye . THe .xvii. day I wyll begynne Sodom and Gomore sonke for synne Better than that day is none All synfull thynges for to done what wyfe so that daye haue chylde It shal be bothe meke and mylde Blessyd and wyse and of longe lyfe Mery and euermore with outen stryfe But who so that day do ony thefte His ioyes therof shulde be refte To bye and sell and the see to passe That daye is good happe and grace And also to make weddyng And good also for blood letyng If thou be seke in any wyse Thou shalt ly longe & afterwarde ryse And what thou metyst in thy dremynge In short tyme it is comynge . ¶ The .xviii. day . THe .xviii. daye Isaake was borne That many vertues ly hym be forne That daye whan thou hast seruyd Iesu Is good and full of vertu To do what so thou haue delyte For it shal tourne the to profyte Or any other thynges that is to done If that no synne therof come And what chylde so be borne that day A brawler he shal be parfay Full of wordes and of stryfe Proude and stowte and short of lyfe who so do ony thefte that stounde wythin .vii. dayes he shal be founde If thou that day to any sekenesse be shape Thou shalt lyue longe and ryght well scape wythin forty dayes certayne Thy dreme shal betyde or all in vayne That daye is no tyme good On no maner to be leten blood ¶ The .xix. day . THe .xix. day I wot well that Isaake Iacob his sone begat That day his good for many thynge For bye and sell and the see passynge And for to lerne on marchanndyse And all maner workes of pry●e That day thy worke thou shalt nought lese But if thou any synfull werke chese But what chylde so that day borne ys He shal be wyse and trewe Iwys worshypfull and wyse of lore His pryse shal waxen more and more If thou stele or fle that daye Thou shalt be slayne therfore parfaye If sekenesse do the trauayle Thorough medecyne thou shalt be hayle Thy dreme shal be good and sothe And hastely founde withouten othe But that day for sothe to sayne Is euyl to blede on any veyne . ¶ The .xx. day . THe .xx. day blessyd Isaake His son Iacob and spake That day is good & happy without drede All crysten men to helpen in ●rde Do boldely that day thy wyll So thou greue not god yll who so be borne that day thorough happe God hath gyuen hym a fayre shappe If he vse hym to trauayle He shal be strong in euery batayle If husbondrye vse wyl he wyse of tylthe shal he be If he the scole vse I say yow He shal be clerke good I now If he wyl to ony other crafte go He shal be wyse and sotel ynough also who so ony thefte do or be qwed It shal hym bryng to wyckyd ded who so that day any sekenesse take He shal lyue longe and ryght well skape That thou dremyst it shal be soth Blood letyng that day good doth . ¶ The .xxi. day . THe .xxi. day thorugh godes vertu was borne the wyse man Esau That day is good for lewde and clerke To begynne euery crysten werke what so thou do that day thou shalt spede So that thou do no synful dede what chyld so that day borne be A stronge thefe be shal he And geue hym to moche folye But he shal knowe moche clergye If thou lese that day thyn owne catelle Thou fyndest it neuer I tell the welle And thou do ony theft that day Thou shalt not be taken parfay If a mayden that day chese A lemman or her maydenhed lese And she by hym ony chylde haue Be it mayde be it knaue It shat be roughe as swyne And by his owen mother lyne And on his owen mother a chylde beget● That ●ysshes or bestes shulde ete But if a man that daye so dey And she leue after I you sey His wyfe shal after that he is dede Lyue euer more in clene wedehode And serue ryght well god almyghty And helpe the most nedfull treuly And if thou that day lese thy leue wyfe A●ter that she is dede truly all thy lyfe Thou shalt with good deuocyon Gyue the to an house of religyon If any sekenesse that daye the greue It shal the sle ryght sone I beleue Thy dreme shal be certayne and good And that day is tyme to let blood ¶ The .xxii. day . THe .xxii. day was borne Iosephe Of that day beware and kepe thee For it is hard for many thyng To begyn that day without lesyng But it is good truly to tell Bylde howsyng to wedde to bye and sell On pylgrymage wayes to take And all skylful comenaunte to make But if thou go to the see with good ware the fro the salt flood who so be borne well I fynde He shal be lecherous be kynde And by kynde he shal be religyous And a man right traueylous If sekenesse that daye take wreche And if it take hym helpeth no leche If thou any thyng stele it shal the flo Thy dreme shal al to ioye go Iche tyme of that is good If thou wylt be leten blood ¶ The .xxiii. day . THe .xxiii. daye for certay●e was borne Mary magdelayne That day is good and vertuous But that chylde shulde be lecherous That on that same day is borne His lyfe for women shal be lorne That day is good these to passe Thanke we god of is fayre grace Good to bye and sell and to wedde And thy wyfe to brynge to bedde with her thou shalt haue ioy and game And fayre chyldren ye shal haue in same That daye is blood letyng not helthe That day is good begynnynge of telthe who so that day her maydynhede leseth Lechery for euer she cheseth By kynde skyl she shal truly warne no man of her body Thou shalt haue Ioy of thy dremynge Thou dotyst if thou stele ony thynge If thou be seke on any maner wyse Thou shalt sone dey or ellys sone ryse ¶ The xxiiii . day . THe .xxiiii. day withouten lesse was borne the wyseman Pharoses That day is good withouten fayle To b●gynne euery rightful batayle That day is good for euery marchaunt To bye and sell and make comenaunt To wedde to passe the see with ware And also on pylgrymage to fare That day is good and nobel of pryse For all maner of marchaundyse And for men of craft also That theyr craft wyl tende to what chyld so that day borne is He shal be a wyse man I wys And a man of gret honoure And a nobel werry oure And if it a woman be Sondry husbondes haue shal she And euer at honour leue she shall And be ryche Inough with all If sekenesse that day the greue It shal from the ●t m●rowe or eue If thou that day ony thyng stele Thou shalt not it haue longe with hele Thou shalt haue ioye of thy dremynge That day is tyme of blood letynge who so her madenhed lese that day wyth prestes she shal be sclaundryd ay . ¶ The .xxv. day . THe .xxv. day faughte Pharo the kynge with his enmyes without lesynge Than is tyme to begynne to sowe corne But what chyld so that day be borne It shal be ryght merueylouse And euer besy and coueytouse And walkyng wyde I vnderstonde In many sondry dyuers londe And suffer parayie and many hard chaunce For his lyues sustenaunce For to wedde that day is good To bye and sell and let blood But who so go that day to the see Or he come ouer drynched shal he be Also I warne you euery one That ye that day begynne thynge none Other than ye here me say That ye may safely that day If thou that day in any te●te do trespasse Thou shalt dey for that casse If thou that day sekenesse take It shal neuer of the slake If thy dreme good or euyl be within .iiii. dayes thou shalt it se . ¶ The .xxvi. day . THe .xxvi. day without lesyng Is good for all maner of thyng Bothe for man and for best In wod / in werre / in fryth / and forest But these I for bede the weddyng and passyng ouer the se For that daye drynched kyng pharo And .ii. hundred with hym also All the other thynges I the for bede That thou begynne for no nede That thou begynne no maner thynge But abyde a better tyme But if a chylde be borne that daye It shal haue happe of manes loue aye He shal neyther be poure ne ryche But be hardy and bolde and worke māleche who so that daye ony theft make Handed ande he shal be take If thou be seke in ony wyse Make the redy thou shalt not ryse But thy dreme to nought shal falle And blood letyng agayne thou calle ¶ The .xxvii. daye . THe .xxvii. daye was borne Berien That day is good to bye and sellen The s●e to passe wedyng to make And all other godde workes to take If it toucheth no pearynge That daye is tyme of blood letynge who so be borne that daye truly He shal be bothe wyght and sly And great frendeshype he shal haue And a fayre happe hym selfe to saue what mayden that day any man take But if it be for weddynges sake No more after warne shal she No man of chast of charyte And if an husband a wedowe take All her brede shall sone be b●ke If sekenesse that day downe the dryue Thou shalt lyue longe and tourne to lyue Thy dreme shal tourne ioye to the within a moneth daye thou shalt it se ¶ The .xxviii. daye . THe .xxviii. daye was borne S●mps●n boldely do that day what thou ●ylt don So thou greue not god therewyth Thou shalt wel spede in towne and fryth what chylde so that day borne be In great trauayle be shal he And euer besy and sory And treue as any s●yle treuly If thou that daye ony sekenesse fele Thou shalt lye longe and after haue hele If thou that day s●ele ought with the to pryson it shal be brought But ●are the ●el of letyng blood For that day is no tyme good That thou me●ys● in thy dreme that nyght It shal the tourne to ioye ful ryght ¶ The .xxix. day . THe .xxix. day was borne Salomon Loke thou that day begynne thynge non For if thou do I sey trewly Thou shalt lyke no thyng therby But who so that daye borne ys He shal be of great pryse I wys He shal haue welth Inough at wylle And lykyng of women al his fylle Ryche ne poure wernyth hym none All is lykyng with hym to done And if it a mayde chyld be Meke and mylde & courteyse be shal she Fayre of face and amyable And to all men delectable And or she be of any age She shal be maryed to great lynage what wy●es husbonde so that day be ded She shal lyue euermore in her wydowhed If sekenesse that day do the trauayle Therof thou shalt sone be hayle If thou stele ought thou shalt haue shame But blode letyng is nought to blame All thy dreme to good tourned shal be without euyl as I sey the . ¶ The .xxx. day . THe .xxx. day was borne Absalon That day is good to begynne vpon Chyldren to sette to scole to lere To bye and sell and houses to rere To chafre to wedde to passe the see To begyn tylth and graffe on tre That day what woman do lecherye She shall neuer leue that folye But what chyld that day borne is He shal be good ware and wyse Be it mayden be it knaue Ioy ynough shall it haue If it a mayden chyld be Sone shal be her destyne That al men shall desyre her than And also if it shuld be a man All women both whyt and blake wyll desyre hym to her make And thou pyke or stele that day ought To the treuthe he shal be brought Thy dreme shall tourne to great trauayll Or thou shall fall to great parayll That daye also is tyme goode If thou wylt blede vayne blode . ¶ Now haue ye herd olde and yong Discryed many dyuerse thyng Of chafare / of dremys / of chyldren byrth Of bledyng / of wedyng / and other myrth And by our formest faders wytnesse But I warne you both more and lesse That ye be neuer the more bolde For any thyng that I haue tolde .